Алибаба

2014.05.06-нд Хятадын цахим худалдааны томоохон групп “Алибаба” АНУ-ын хөрөнгийн биржийн зөвлөлд шинээр хувьцаа гаргах (IPO) өргөдлөө өглөө. /”IPO”=”Initial Public Offering” нь хөрөнгийн зах зээлд анх удаагаа компанийхаа хувьцааг арилжаалж санхүүжилт босгох процесс юм./ Энэ жилийн зунаас хойш хувьцаагаа гаргаж эхлэх төлөвтэй байгаа бөгөөд хувьцаагаа гаргаснаар зах зээлийн үнэлгээ нь (Зах зээлийн үнэлгээ=Хувьцааны үнэ*Хувьцааны тоо. Зах зээлийн үнэлгээ их байна гэдэг нь тухайн компанийн үйл ажиллагаа нь сайн явагдаж байгаа, мөн ирээдүйд өсч дэвжих магадлалтай гэсэн үг юм) 200 тэрбум доллар давах магадлалтай байгаа юм. Зах зээлийн үнэлгээ нь 200 тэрбум доллар давах юм бол дэлхийн топ 10 компани болно гэсэн үг. Ирээдүйд асар их хөгжих боломж бүхий энэхүү том групп хувьцаагаа зах зээлд гаргавал “Facebook”, “Google” зэрэг компаниуд хажууд нь өчүүхэн нэгнээс өөрцгүй болох юм. Хөрөнгө оруулагч нар “Алибаба”-ийн хувьцааг авахын тулд одооноос өөрсдийн IT-н хувьцаануудаа зарж мөнгөө бэлдэж байгаа бололтой. Үүнээс болж шинэ хувьцааны зах зээл болох “NASDAQ” тогтворгүй байдалд ороод байгаа юм. “Алибаба” нь “Yahoo” болон “Softbank” зэрэг компаниудтай хөрөнгийн хамааралтай тул IT-ийн чиглэлийн хувьцааны үнэнд цаашдаа асар ихээр нөлөөлөх магадлалтай аж.

 “Алибаба” гэж юу вэ? 1999 онд Жак Ма(одоогийн CEO) нь “Алибаба”-г байгуулсан ба анхандаа үйлдвэрүүд хоорондын худалдааг (B2B=Business to Business) онлайнаар зуучилдаг жижиг компани байсан юм. Түүнээс хойш “Алибаба”-ийн явуулдаг “alibaba.com” нь Хятадын эдийн засгийн өсөлттэй зэрэгцэн тун богинохон хугацаанд асар хурдтайгаар хөгжиж чадсан юм. 2003 онд хувь хүнд чиглүүлсэн (B2C=business to consumer) онлайн сайт болох “Taobao”-г нээж, 2007 онд онлайн дэлгүүр болох “Tmall.com”-ийг нээв. Түүнчлэн төлбөрийн тооцооны үйл ажиллагаа явуулдаг “Alipay” болон мэдээлэл боловсруулдаг “Alibaba Cloud Computing”-г эзэмшдэг болов. Screen Shot 2014-06-03 at 12.30.35 AMӨдгөө “Алибаба” нь 2013 оны Хятадын зах зээлийн 80 хувийг эзлэх хэмжээний том акул юм. Онлайн худалдааны шимтгэл болон сайтан дээр тавигдах зар сурталчилгааны орлогоороо ашгаа бүрдүүлдэг. Өргөн газар нутагтай Хятадын хувьд дэлгүүрээс бараа авахаасаа илүү онлайнаар бараагаа авах нь илүү хялбар юм. Дээрээс нь 1.3 тэрбум хүн амын асар том зах зээл оршиж байгаа тул маш их эрэлтийг бий болгож байгаа. Тэр ч утгаараа гадны хөрөнгө оруулагч нар шинээр гаргаж буй хувьцаанд онцгой анхаарлаа хандуулж байгаа юм. Хэрэв хувьцаагаа гаргаад амжилттай явбал “PetroChina” болон “Хятадын Худалдаа Аж Үйлдвэрийн банк“-тай эн зэрэгцэхүйц хэмжээний зах зээлийн үнэлгээтэй компани болох юм.

“Алибаба”-ийн асуудал? “Алибаба” хэдийгээр асар их боломжийг агуулж буй ч, түүний ирээдүйн хөгжилд төдий чинээ саад бэрхшээл байгаа юм. “Алибаба” нь Хятадын эдийн засгийн хөгжил дээр тогтож байгаа. Хэрэв Хятадын эдийн засаг унавал “Алибаба”-д тун хүндээр нөлөөлөх юм. Хятадын эдийн засаг нь үл хөдлөх хөрөнгийн зах зээл дээр хөөсөн эдийн засагтай нүүр тулгараад байгаа билээ. Нэг намын дарангуйлал дор, ардчилалаас хоцрон хөгжиж байгаа гэдэг утгаараа гадны хөрөнгө оруулагч нарт Хятад төдийлөн сайн таалагдахгүй байгаа. (Баялгийн хуваарилалт тэгш бус явагдаж байгаа тул) Эдгээр асуудлууд цаашдаа лавширвал Хятадын эдийн засаг савлах нь гарцаагүй. Түүний нөлөөг Алибаба амсаж л таарна.

 Хэдийгээр Алибаба хөрөнгийн бирж дээр хувьцаагаа гаргаж байгаа ч “Мэдээлэл нь хангалттай биш” зэрэг дутагдлууд байгаа. Хөрөнгө оруулагч нарт хэрэгтэй мэдээлэл, материал дутмаг бол хөрөнгө оруулалт орж ирэхгүй нь тодорхой. “Алибаба” нь сайн ч, муу ч хоёр талаараа хувьцааны зах зээлд нь нөлөөлөх юм.

О.Баярсайхан
Шиншү их сургуулийн төгсөгч
2014.06.02

Хуваалцах
Баяраа
About Баяраа 85 Articles
Өөрийгөө болон бусдыг хөгжүүлж явах хүсэлтэй нэгэн. Эдийн засаг, менежмент, санхүүгийн зах зээл, хувь хүний хөгжлийн талаарх нийтлэл бичдэг. Хорвоо ертөнцийн ярвигтай асуудлыг энгийнээр ойлгомжтойгоор хүргэхийг зорьдог.

Be the first to comment

Leave a Reply

Your email address will not be published.


*