Өөрчлөлтийг ӨӨРӨӨСӨӨ ОДОО эхлүүлье

IMG_0501Та бүхэн амьдралдаа хэзээ нэгэн цагт ямар нэгэн зүйл хийж үзье, эсвэл хийж суръя гэж боддог л биз? Та зөв цаг хугацааг хүлээсээр л байна уу?. Эйнштэйний хэлснээр зөв цаг хугацаа гэдэг бол “Одоо цаг”. Та одооноос л эхлэх ёстой. Одооноос л өөрийгөө олон зүйлсэд сорьж эхлэх хэрэгтэй.

Орчин үеийн завгүй нийгэмд нэг л мэдэхэд бусдын хамтаар “урсгалд орох” гэдэг өвчин бид бүгд туссан байх нь олонтаа. Ялангуяа их сургуулиа төгсөөд нийгэмд шилжиж буй хүмүүст их тохиолддог болов уу гэж бодож байна. Маш их хүсэл мөрөөдөл зүрхэндээ тээсэн та, шинэ ертөнцөд ирэх үед бодит байдал төсөөлснөөс тань тэс өөр байх үед хөл алддаг байх. Өөрөөр хэлбэл гүн шоконд орно гэсэн үг л дээ. Ингээд шартай нэгэн нь дахин босч ирээд хөл дээрээ тогтохыг хичээнэ. Байз, та чинь мөнгө олж амьдрах ёстой хүн шүү дээ. Мөнгөгүй бол хоолгүй. Бас гоё хувцас өмсөж чадахгүй. Хийе гэж бодсоноо хийж чадахгүй. Ингээд л танд “ингэх ёстой, тэгэх ёстой” гэдэг бас нэгэн өвчин гарч ирнэ. Нэг л мэдэхэд та нэгэн хэвийн амьдралын урсгал дунд орсон байна. Дундаж нэгэн болно гэсэн үг л дээ (Энд нийгмийн статусын хувьд дундаж нэгэн гэсэн утгатайг анхаарна уу). Буцаад том хүсэл мөрөөдлөө бодно. Хүүхэд насны гэнэн хүсэл байж дээ гэдэг дүгнэлтэнд хүрч болох юм.

Гэхдээ танд үүнээс өөр сонголт байгаа. “Хүн болгонд нар бий, харин тэр нарыг гэрэлтүүлэх бололцоог олго” гэж Сократ нэгэнтээ хэлсэн билээ. Таны зүрхний гүнд буй нууцхан тэр галыг нэг асаах гээд үзэхгүй юм уу. Гэхдээ маргааш гэхэд гал тань дүрэлзэн шатахгүй учир бага багаар галаа ноцоосоор асаагтун. Энэ нийтлэлдээ бага багаар ноцоох нэгэн аргын тухай бичихийг зорилоо.

calendar6-300x300Тэгэхээр эхлээд “урсгалд орох” өвчнөөсөө гарах хэрэгтэй. Юу таныг гаргаж чадах вэ?. Магадгүй “шинэ зүйл”. Миний энэхүү нийтлэлдээ гаргаж ирж буй санаа бол энэ. Өөрийгөө шинэ зүйлд сорь, шинэлэг бүхнийг хайж мэдэр. Саяхан “TED” хэмээх шинэ соргог санааг дэлхий даяар үнэгүй тараагч агуу үйл ажиллагаан дээр “30 өдөр ямар нэг шинэ зүйл туршиж үзэхгүй юу?” хэмээх бичлэг үзсэн юм. Үүн дээр гаргаж буй дүрэм бол маш амархан. Та цаас гаргана, цаасан дээрээ 30 өдрийн сорилт гэж бичээд, өөрийнхөө амьдралд оруулахийг хүсч буй, эсвэл зайлуулахыг хүсч буй зүйлсээ бичнэ.

Ингээд эхний 30 өдөр сорилтоо болгон сонгох зүйлсээ шийднэ. Ингээд таны сорилт эхлэх болно. Сорилтын хувьд их бага, хүнд хялбар байх нь хамаагүй.

Нэг л гол санаа бий “Таны сорилтоо болгох зүйл чинь танд шинэ зүйл байх ёстой”. Жишээ нь миний хувьд эхний 30 өдрийн зорилго маань маш амархан.

1.Би өдөрт заавал нэгFullSizeRender зураг авна.

2.Би дор хаяж нэг хуудас ном уншина.

3.Өдөр болгон 30 аас доошгүй суниана.

4.Өдөрт хамгийн багадаа гурван мэдээ уншина.

5.Өдрийн тэмдэглэл бичнэ.

6.Нэг “TED”-ийн яриа үзнэ.

Ердөө ингээд л болоо. Том зүйл жижиг зүйлээс эхэлдэг шүү дээ. Одоо би өглөө босоод өнөөдөр ямар зураг авах тухайгаа боддог болсон бөгөөд ном унших хурд маань илт нэмэгдэж байна. Дээрээс нь би өдөр бүрийн мэдээний ачаар дэлхий дахинд юу болж байгааг бага ч гэсэн анзаардаг боллоо. Өөрөөр хэлбэл амьдралд маань эхлүүлсэн энэхүү жижиг сорилтууд надад өөрчлөлтийг авчирч байна. Амьдрал илүү амттай болж эхэлж байна.

Цоо шинэ зүйл туршиж үзсэнээр та цочролд орох болно. Нэг ёсны та сэргэж эхлэнэ. “Түг түг…” зүрх тань цохилж эхэллээ. Өөрөөр хэлвэл цочролд орж өөр нэгэн зүйл мэдэрснээр та амьд байгаагаа мэдрэх болно.

Та туршаад л үз. Туршиж үзэж байж л хүн мэддэг. Хүн эцсийн эцэст хийснээсээ илүү хийгээгүй зүйлдээ л харамсдаг гэж нэгэн ухаантан хэлжээ. Огтхон ч оройтоогүй байна. Та гитар тоглож сурахыг хүсч байна уу, эсвэл аль нэг гадаад хэлээр ус цас ярьдаг болмоор байна уу. Таныг цаг хугацаа хүлээхгүй. Тийм болохоор боломжийг хүлээх юу байхав! Түүнийг бүтээ! Бушуухан сорилтыг эхлүүлье! УРАГШАА!

М.Эрдэнэ-Очир
Шиншү их сургууль
Эдийн засгийн факультет 2-р курс

2014.10.21

Эх сурвалж:

  1. TED.com/Matt cutts:Try something new for 30 days/  ТЭД.ком(Матт Катс: 30 өдөрт ямар нэг шинэ зүйл туршаад үзэхгүй юу?)
    http://www.ted.com/talks/matt_cutts_try_something_new_for_30_days
  1. Niitlelch.mn/Баабар:Сократ ба Монголын залуучууд/
    http://baabar.niitlelch.mn/content/4060.shtml

Хуваалцах
Мооёо
About Мооёо 21 Articles
Эдийн засгаар сурч буй том мѳрѳѳдѳлтэй энгийн нэгэн оюутан.

Be the first to comment

Leave a Reply

Your email address will not be published.


*