Нойргүйдэлтэй тэмцэх нь

Та бүхэнд шөнө унтаж чадахгүй байх үе байдаг уу? Эсвэл унтсан ч олон дахин сэрэх, өглөө эрт товлосон цагааасаа хэт эрт сэрэх зэрэг асуудлуудтай тулгарч байсан уу? Хэрэв тийм бол та их бага хэмжээгээр нойргүйдэлтэй тулгарсан байж болзошгүй юм. Нойргүйдэл гээд сонсохоор маш энгийн, байдаг л зүйл гэж бодогдож байгаа байх. Гэвч нойргүйдэл чухам юу юм бэ? Хүн яагаад үүнтэй тулгардаг бол? гээд өөрөөсөө асуухаар хариулт нь олдож байна уу? Энэ бүх асуултын тэмдгийн тоог багасгах зорилгоор дараах мэдээллийг хүргэж байна.

 10754999_10203208005705743_681336232_n

Нойргүйдлийн хамгийн том шалтгааныг доорх байдлаар ангилсан байна. Үүнд:

  1. Стресс. Өдөр тутам тохиолдох жижиг асуудал мөн ажил дээрх асуудлууд нь хуримтлагдсаар сэтгэл санааны тайван бус байдал бий болж, улмаар стрессд ордог байна.
  2. Бие махбодын хямрал (өвчин эмгэг). Хагалгаа болон норкозонд ороод удаагүй байх, мөн ханиад болон харшлаас болж нойргүйдэл бага багаар үүсдэг байна.
  3. Химийн бүтээгдэхүүн. Кафейн, никотин зэрэг төв мэдрэлийн системд нөлөөлж дархлааг бууруулдаг бүтээгдэхүүн их хэрэглэснээс болж тархин дахь цусан хангамж багасан, улмаар нойргүйдэлд хүргэдэг аж.
  4. Хүрээлэн буй орчины өөрчлөлт. Жишээ нь, ажил болон аяллаар гадаад дотоод руу явах, их ачаалалтай олон цагаар ажиллах үед бие организмд өөрчлөлт бий болдог.

Эдгээр хүчин зүйлсийн нөлөөгөөр нойргүйдлийн түвшин их үү, бага уу гэдэг нь тодорхойлогддог байна. Нойргүйдэх байдал удаан үргэлжилбэл биеийн эсэргүүцэл сулрах, анхаарал төвлөрөлт муудах, шийдвэрлэх чадамж багасах, ажлын бүтээмж буурах, ой тогтоолт муудах зэрэг олон олон сөрөг талтай. Нойргүйдэл нь улам хүндэрвэл мэдрэлийн гаралтай ужиг өвчин тусах магадлалтай гэдгийг судалгаагаар нотолсон байна.

Тэгвэл энэхүү нойргүйдлээс яаж хурдан ангижрах вэ? Та эм уух хэрэггүй. Маш энгийн бөгөөд амархан аргуудыг танилцуулъя.

  1. Унтаж амрах үед хүний биед серотонин гэх гормон ялгардаг байна. Уг гормон нь хүний биеийн ядаргааг тайлаад зогсохгүй хоол боловсруулах систем, дархлааны системийг сайжруулж, бүтэн өдрийн турш ажилласан тархи болон бие махбодыг бүрэн гүйцэд амраадаг байна. өглөө сэрэнгүүтээ болж өгвөл гэрэлд гарч, орой унтах үедээ ямар ч гэрэлгүй унтах хэрэгтэй. Гэрлийн нөлөөгөөр дээр дурьдсан серотонин гэх гормоны идэвхи нь сайжирдаг байна.
  2. Кафейн агуулсан нойр хүргэдэггүй бүтээгдэхүүнээс зайлсхийх хэрэгтэй. үүнд та бидний сайн мэдэх кофе багтаж байгаагаас гадна архи согтууруулах ундаа, кола, тамхи, зарим төрлийн хоол хүнс, амттан, бохь хамаарагддаг байна. Мөн нойрны эм хэрэглэх нь ч тийм сайн зүйл биш гэдгийг дахин дахин онцлох нь зүйтэй юм. Нойрны эм нь нойр хүргэх үйлчилгээтэй боловч гүн нойронд автуулахдаа үр дүн нь бага байдаг байна.
  3. Тархиа амраацгаая. Унтахын өмнөх 1-2 цагт ажил, хичээл зэргийг хийхээ багасгаж харин ном уншиж, хөгжим сонсох цагаа ихэсгэвэл энэ нь тархинд амралт болж өгдөг байна. Мөн саунд суух, сунгалт зэргийн хөнгөн дасгал хөдөлгөөн хийх нь тархиа амраахад маш тустай.
  4. Биологийн цагаа зөв тодорхойлох. Тогтсон цагт эрт унтаж, тогтсон цагт эрт сэрж хэвших.
  5. Өдрийн цагаар 30 минут орчим унтаж сурах нь тархинд яг тохирсон амралтыг өгдөг аж. Түүнээс их унтвал орой нойр хүрэхгүй байх сул талтай тул болж өгвөл 30 минут дотор дугхийж сурцгаая.

Б.Ихжаргалан
Шиншү Их Сургууль
Хэрэглээний Био-Хими 3-р курс

Эх сурвалж:

  1. Mitsubishi Chemical Holdings Group: Эрүүл мэндийг дэмжих сайт
    http://www.suimin.net/
  2. Ямагата хотын сонсголын бэрхшээлтэй хүмүүсийг мэдээллээр хангах сайт
    http://y-mimi.sakura.ne.jp/

Хуваалцах
Баяраа
About Баяраа 85 Articles

Өөрийгөө болон бусдыг хөгжүүлж явах хүсэлтэй нэгэн. Эдийн засаг, менежмент, санхүүгийн зах зээл, хувь хүний хөгжлийн талаарх нийтлэл бичдэг. Хорвоо ертөнцийн ярвигтай асуудлыг энгийнээр ойлгомжтойгоор хүргэхийг зорьдог.

Be the first to comment

Leave a Reply

Your email address will not be published.


*