“Сони” авъя? “Сони” гэдэг чинь юу билээ?

1950 оimage001ны 3-р сард Ханеда нисэх онгоцны буудлаас Нью-Йоркийг нэгэн эр зорьсон юм. Түүний нэрийг Морита Акио гэдэг байсан ба тухайн үедээ 34 настай байв. Тэрээр жижигхэн үйлдвэртэй байсан бөгөөд цүнхэндээ жижигхэн транзистор радиотой (транзистор радио гэдэг нь алсаас хүлээн авагч /транзистор/ ашиглан радиог дамжуулдаг зөөврийн төхөөрөмжийг хэлнэ) явж байв. Энэ үед Япон улсад гаднаас импорт их байсан бол эсрэгээрээ Японы үйлдвэрлэсэн экспортын бараа бараг байгаагүй үе юм.
Тэдний экспортолдог зүйлс гэвэл ердөө л Японы уламжлалт гэсэн тодотголтой хүүхэлдэй, үндэсний тоглоом зэрэг дурсгалын зүйлүүд л байв.
/Морита Акио(“Сони”-гийн үндэслэгч)/

image004image002image003

                                                           /Японы уламжлалт тоглоом/

image006 image005

/Тухайн үеийн жирийн ард иргэдийн амьдрал/

Тухайн үеийн Японы энгийн ард иргэд ихэд ядуу байсан бөгөөд тэдэнд гадаад зах зээл үрүү гарч, экспортыг эрчимжүүлэн гадаад валют цуглуулах зайлшгүй хэрэгтэй байв. Үүнийг Морита олж харж, компанийхаа эрхэм зорилгыг “Японыг дахин бүтээн босгох” гэж тодорхойлсон юм.

Тэрээр анх 1946 онд 20 хүнтэйгээр компаниа эхлүүлж байсан юм. Тэдний анхны томоохон бүтээл нь дэлхийн хамгийн жижигхэн халаасны транзистор радио.Тэд гадаад уруу бүтээгдэхүүн нийлүүлэхийн тулд компанийхаа Япон нэрийг хаян “СОНУС” /Sonus/ латин хэлнээ “дуу” гэсэн утгатай “Сони”/Sony/ хэмээх нэрийг зүүсэн гэдэг. Ингээд Морита Акио болон түүний найз Масару Ибука-гийн санаачилгаар “Sony” компани үүсгэн байгуулагдсан юм.

1950 оны 3-р сард Морита Акио Нью-Йоркийг зорин, түншийн эрэлд гарсан бөгөөд ганцхан газраас санал ирсэн бөгөөд тэр нь тухайн үедээ 50 жилийн түүхтэй “Булова” (BULOVA) (анхлан цагны үйлдвэр байсан ба тухайн үед радиог цагтай нэгтгэн шинэ бүтээгдэхүүн гаргахыг зорьж байв) хэмээх агуу том компани байв. Тэд 10,000 ширхэг радионы захиалга санал болгосон бөгөөд ингэхдээ “Сони” бус “Булова“-ийн нэрийн дор зарах санал тавьсан юм. Хариуд нь Морита “Саналаас татгалзаж байна. 50 жилийн дараа “Сони”-г “Булова”-аас алдартай компани болгох болно.” хэмээн хэлсэн юм. Энэ нь татгалзахгүй байхын аргагүй санал байсан боловч “Японд үйлдвэрлэсэн барааг дэлхийд” хэмээх түүний бахархал нь үүнийг зөвшөөрөөгүй юм.

image008 image007

/Америк дахь Буловагийн төв салбар/ /Сонигийн анхны транзистор радио/

image009Ингээд Япондоо буцан гадаад зах зээлийн борлуулалтыг хариуцсан багийг бүрдүүлэх ажлыг хамаатны залуу Хигүчи Акира-д даатгав. Сонинд зарлал гарган, радиогоор ч мөн зарлуулж байв. Гэвч тухайн үед сургуулиа төгсөж байсан оюутнууд “Ямар ч нийгмээс үнэлэмж байхгүй өчүүхэн компанид орохгүй шүү” гэж хэлж байсан гэдэг. Ингээд тэрээр үеэл болох Комацү Казүтояа-г дуудав.Тэрээр тухайн үед хэл сурч байсан ба гадаадуудтай харилцахад тохирсон Англи хэлний мэдлэгтэй цорын ганц хэрэгтэй хүн нь байв. Комацү-д “Япон дахин хөгжин сэргэхэд гадаад уруу экспортлох бараа хэрэгтэй байна, Япон байнга л өрсөлдөөнд ялагдаж байна шүү дээ” гэж хэлж байв. Тухайн үед Япон хүмүүсийн амьдрал яая даа гэмээр байсан бөгөөд залуу Комацү энэхүү зовлонг маш сайн мэдэж байлаа.
/хамаатны залуу Хигүчи Акира/

“Сони” хэдий жижигхэн компани байсан ч өөрөө бүтээгдэхүүнээ үйлдвэрлэж, өөрөө бүтээгдэхүүнээ зарж байсан нь “Сони”-д ажиллах хамгийн том шалтгаан нь болсон юм. Тэрээр анх үйлдвэрийг хараад “Энэ компани яах бол доо” хэмээн эргэлзэж байсан гэдэг.
/хамаатны залуу Хигүчи Акира/

image010image011

/Комацү Казүтояа/               /Оокичи Хироши/

Үүний дараагаар Оокочи Хироши хэмээх залуу шинээр орж ирсэн юм. Тэрээр Комацүгийн номын дүү (коохай) байсан бөгөөд Комацүгийн ятгалгаар орсон гэдэг. Тэрээр армид байсан бөгөөд дайнд ялагдаж ирснийхээ дараа “дараагийн удаа үзүүлээд өгнө өө!” гэсэн халуун сэтгэл дүүрэн байв. Ингээд ахлах багийнхан бүрдсэнээр Европын орнууд уруу эхнээсээ багаа дагуулан нисэцгээж эхлэв.100 хүний БАНЗАЙ!-аар(Монголоор УРАА!) тэднийг шинэ ертөнц үрүү нь хамт олон нь үдэж өгсөн юм. Комацү Европт томилогдож, Оокочи Америкт тус тусын багийн ахлагчаар томигдож, дор бүрнээ хоёр хоёр хүн дагуулан явсан юм.

image012Комацү 25 улсыг 3 багийн бүрэлдэхүүнтэй туулна гэж байв. Гэвч их санасан газар 9 шөнө хоосон хононо гэгчээр тухайн үед Европын ихэнх улсууд гадны бүтээгдэхүүний импортонд ихээхэн хатуу шаардлага тавьдаг байсан учир хүссэн зүгтээ сарвайх нь хүнд байлаа. Ингээд дахин судалсны эцэст импортын барааны хууль бусадтайгаа харьцуулахад хөнгөн болох Баруун Германыг зорихоор шийдэв.

/Зүүн талаас Германыг зорьсон Коорияма
болон Хариуцагч Комацү нар/

Комацү Баруун Герман уруу Коорияма-г илгээсэн ба Коорияма ямар ч л байсан бүтээгдэхүүнээ зарах итгэл найдвараар дүүрэн Баруун Германд хөл тавьсан юм. Гэвч тэрээр эхний электрон барааны дэлгүүрт ороод л гүн шоконд орсон гэдэг. Учир нь Баруун Герман нь тухайн үедээ Европын электрон барааны үйлдвэрлэгч гол улсуудын нэг байсан бөгөөд тэнд транзистор радио маш өндөр хэмжээнд хөгжсөн байлаа. Тэд маш том өрсөлдөгчийнхөө нутагт буусан байлаа. Багийн удирдагч Комацү хэлэхдээ “Германд радио зарна гэдэг бол Хойд туйлд мөс зарахтай адил, гэхдээ мөсийг зардаг нь бизнесмэн юм” гэж түүнийг зоригжуулж байв.

image014image013

/Сано Кэнжи болон Цүбүраяа Тэрүёоши / /Оокичи болон түүний багийнхан байрандаа/

Энэ үед Коорияма Германд ирээд аль хэдийнээ 1 жил болсон байв. Германы зах зээл гэдэг шинэ орж ирж буй бүтээгдэхүүнд өрсөлдөөн ихтэй учир зай бага, тоглоом биш байлаа. Нэг ч радио зарж чадалгүй бүтэн жил Германаар тэнүүчилсэн тэрээр хямдхан буудалд цөхрөлийн хоног өдрүүдийг төөрүүлсээр бие болон сэтгэлээр маш их унасан байв. Нэг өдөр бие нь гэнэт муудан ухаан алдаж унан, эцэстээ Япон уруугаа буцсан юм. Комацү “Герман улс түүний адилтгаж байсан хойд туйлаас ч хүйтэн юм гэж дотроо бодон бодсоор ажилтнаа эх орон уруу нь буцаасан” гэдэг. “Дэлхийн хамгийн жижиг радиог хийж чадсан учраас төвөггүй зарагдана. Японд үйлдвэрлэсэн бүтээгдэхүүнийг дэлхийд хүргэж өгнө” гэсэн том мөрөөдөл нь бага багаар унтарч эхлэв. “Өдөрт таван улс ч дамжин бүтээгдэхүүнээ сурталчилах явдал бишгүй л байв” хэмээн тэрээр хожим дурсаж байв.

Энэ үед Америкт радио амархан эвдрээд түүний учрыг яг мэргэжилтэнгүүд хайж байсан үе байлаа. Японоос ирсэн бусад цахилгаан бүтээгдэхүүнүүд ч мөн адил гэмтэж буй гэдгийг сонссон залуу инженерүүд тухайн үед Японд өргөн хэрэглэгдэж байсан өндөр температурт эмзэг, мөнгөөр хийсэн конденсаторт (энергийг цахилгаан оронд хадгалах зориулалттай бүрэлдэхүүн хэсэг) асуудал байж болохыг олж мэдэв. Ингээд Япон дахь үйлдвэртээ өндөр температурт тэсвэртэй конденсатор захиалснаар асуудлыг шийдвэрлэж эхэлсэн юм. Үүний үр дүнд Америкт радио нь асуудалгүй зарагдаж эхлэв.

image015Харин Германд байсан Комацү яахаа мэдэхгүй өдөр хоногийг мөн өнгөрүүлсээр байсан бөгөөд нэг өдөр Хэннинг Милхиа хэмээх нэгэн залуу худалдаачинтай танилцаж амжив. Милхиа Сонигийн радиог анх хараад л “Энэ бүтээгдэхүүн заавал зарагдах ёстой, гэхдээ асуудал нь түүний имэйж-д байна. Герман хүн гэдэг бахархал өндөртэй бардам хүмүүс. Радио зэрэг электрон барааг үнэтэй брендийн дэлгүүрээс л авна. Өндөр зэрэглэлийн дэлгүүрт л тавьж байж зарагдана” хэмээн зөвлөв. Ингээд тэр 2 хамтдаа өндөр зэрэглэлийн нэгэн дэлгүүрт очсон бөгөөд түрээсийн мөнгө төлөх нөхцөлтэйгээр 7 хоног лангуун дээр нь радиогоо тавихаар болсон байна. Энэ 7 хоног бол тэдний хувьд сүүлчийн боломж нь байлаа. Ийнхүү хүлээж суух зуураа Милхиа болон Комацү 2 нэгэн гайхамшигтай санааг олж авчээ. Тэд анхны үйлчлүүлэгчдийг өөрсдийнхөө мөнгөөр бий болгохоор “Сакура ажиллагаа”-г зохиосон байна. Сакура цэцэг бол Японд 4 сарын эхээр цэцэглэдэг бөгөөд хамгийн доод талын арлаасаа дээд хэсэг хүртлээ ээлж дарааллан цэцэглэдэг юм. Үүнтэй адил тэд нутгийн оюутан залуусыг хөлслөн тэдгээрт мөнгө өгөн, өөрсдийнхөө радиог дэлгүүрээс худалдаж авахуулав. Улмаар бага багаар радио нь хүмүүст танигдаж, хүмүүс ч радиог нь сонирхож эхэлсэн юм. Радиог хэрэглэж үзээд таалагдсан залуус цаашаа найзууддаа дамжуулж радионы эрэлтийг ихэсгэнэ. Нөгөө талаас худалдан авагч ихтэй, эрэлт сайтай барааг дэлгүүртээ байлгахыг ямар ч эзэн хүснэ шүү дээ. Ингээд 7 хоногийн дараа өнөөх бараанд нь анхлан янзгүй байсан дэлгүүрийн эзэн маань, “Та нар бараагаа манай дэлгүүрт дахиад жаахан тавихгүй юм уу” гэсэн санал гаргав. Ингээд Анх Германы Хамбург хотоос эхэлсэн бол үргэлжлээд Мюнхен, Франкфурт гэх мэт том хотуудаар “Сакура ажиллагаа”-гаа үргэлжлүүлэн “Сони”-ийн маш том амжилтын эхлэлийг тавьсан юм. Удалгүй “Зул сарын баяр” ойртоход Комацү олсон ашигаараа Германы нэгэн сонинд “Таны зул сард “Сони”-гийн радиог санал болгож байна” гэсэн хаягтай зарлал гаргав. Ингээд “Зул сарын баяр” болоход дэлгүүрүүдээр “Сони”-гийн радиог авахаар хүмүүс оочирлож байв. “Сони”-гийн радио зарадаж дууссан гэх мэдээлэл дэлгүүрүүдээс удаа дарааллан Комацүд ирсээр байв. “Ямар нэг зүйл зарах гээд хичээж байх үед чинь тухайн бараа маань зарагдаж дууслаа, хүмүүс ихэд сайшааж байна гэдгийг сонсох яг л тэнгэрт дүүлэхтэй адил мэдрэмж” гэж дурссан байдаг.

Яг энэ үеэс удалгүй Америкт анхны Японы тэр дундаа “Сони”-гийн үзэсгэлэнгийн өрөө нээгдсэн юм. Тухайн үед “Панасоник” (PANASONIC), “Коника Монилта” (KONIKA MINOLTA), Ниссан (NISSAN) зэрэг том компаниуд Америкт мөн учираа хараахан олоогүй явж байлаа. “Сони”-гийн түүх тэдэнд дараа дараагийн амжилтанд нь том урам болсон гэдэг.

image017 image016

/Нью-Йорк дахь анхны дэлгүүр/

Тэдний аялал тийм ч амар байгаагүйг та уншаад ойлгож байгаа байх. Үүсгэн байгуулагч Морита Акио анхлан Японы бүтээгдэхүүнийг дэлхийд гаргах мөрөөдөлдөө хөтлөгдөн Нью-Йоркыг зорьсноос 7 жилийн дараа тэд Америк дахь анхныхаа дэлгүүрээ нээсэн юм. “Сони” анхлан байгуулагдахдаа мөнгө, алдар нэрийг хайж буй хүмүүсээр бус харин хүсэл зорилгодоо шатсан авьяаслаг хүмүүсээр хүрээлүүлсэн, жижигхэн модон байшинтай үйлдвэр байсан юм. Залуу үеийнхэн нь ч тоохгүй тийм сураггүй компани ийнхүү түмний манлай болон “MADE IN JAPAN” гэсэн шошготой Японы чанартай бүтээгдэхүүнийг дэлхийд таниулж чаджээ.

 Таны одоогийн байгаа байр суурь хичнээн жижигхэн, өчүүхэн байх нь хамаагүй. Таны ирээдүйд хүсч буй зүйл чинь хичнээн том байсан ч, бусад хүнд хэлэхээс ч ичмээр байсан ч хамаагүй, та хүсэл зорилгынхоо төлөө тууштай бас халуун сэтгэлээр шамдан зүтгэх л юм бол тэрхүү зорилгодоо заавал хүрэх болно гэдгийг эндээс харж авсан гэдэгт итгэлтэй байна. БОЛОМЖГҮЙ ЗҮЙЛ ГЭДЭГ БОЛОМЖГҮЙ ЗҮЙЛ! Тэдний “Япон”-ыг гэх халуун сэтгэл, “MADE IN JAPAN” хэмээх бахархал нь шантралгүй урагшилахад нь хүч болж байв. Хэзээ нэг өдөр би “MADE IN MONGOLIA” гээд Монголын брэндийг дэлхий даяар тараах хүмүүстэй мөр зэрэгцэн алхана гэдэгтэй итгэлтэй байна! УРАГШАА!!!

 Комацү гуай Германы бүх хотуудаар радиогоо тарааж дууссаныхаа дараа нэгэн кафед орон, захиалдагаа л захиалж.

– “Сони өгөөч!”.

Хариуд нь үйлчлэгч:

-“Сони гэдэг чинь радио биздээ?” хэмээн инээмсэглэсэн гэдэг.

М. Эрдэнэ-Очир

Шиншюү их сургууль, 2-р курс

2014.11.18

Ашигласан материал:

  1. Youku сайт: プロジェクトX「町工場 世界へ飛ぶ」

X Төсөл “Жижиг үйлдвэрээс Дэлхийн тавцанд”

http://v.youku.com/v_show/id_XMjkzNzkyNDYw.html

Хуваалцах
Мооёо
About Мооёо 20 Articles
Эдийн засгаар сурч буй том мѳрѳѳдѳлтэй энгийн нэгэн оюутан.

Be the first to comment

Leave a Reply

Your email address will not be published.


*