Төгсөлтийн зураг таны гэрлэлтийн хугацааг тодорхойлж чадна гэдэгт та итгэх үү?

Ахлах сургууль аль эсвэл их сургуулийнхаа төгсөлтийн зургийг эргэн нэг харцгаая. Энэ танд юуг хэлэх вэ? Магадгүй таныг хэр туранхай, хэр бүдүүн, хэр сургуулийн од байсныг тань эргэн дурсахад туслах байх. Харин өнөөдөр таныг анхаарлаа илүүтэйгээр хандуулахыг хүсэж байгаа нь “Таны инээмсэглэл” юм. Төгсөлтийн зураг таны ирээдүйн амьдралын аз жаргалын түвшин, мөн гэрлэлтийн хугацаа, түүнчлэн таны хэр удаан амьдрахыг хүртэл тодорхойлж чадна гэдэгт та итгэж байна уу. Нэг л итгэхэд хэцүү юм гэж бодож байгаа хүмүүс энэхүү нийтлэлд анхаарлаа хандуулаарай.

Таны гэрлэлт хэр удаан үргэлжилэхийг төгсөлтийн зургаас тань тодорхойлох нь:

Untitled 32001 онд Lee Anne Harker болон Dacher Keltner нарын сэтгэл судлаачид эмэгтэйчүүдийн дундаж нас тэдний амьдралдаа хандах аз жаргалын түвшингээс хамаарах бөгөөд сэтгэл хангалуун байх хэмжигдэхүүнийг залуу насандаа авахуулсан төгсөлтийн зураг дээрх инээмсэглэлийнх нь давтамжаас нь харж болохыг судлан тогтоосон байна. Харин 2009 онд сэтгэл судлаач Matt Hertenstein нийт 1,721 хүнийг хамруулан хийсэн судалгаандаа тэдний гэр бүлийн салалтыг төгсөлтийн зурган дээрх инээмсэглэлтэй нь харьцуулсан байна. Энэхүү судалгааны хариуд “Those who smiled least, compared to those who smiled most, were actually five times more likely to be divorced at some point in their life” буюу “Бага инээдэг хүмүүс их инээдэг хүмүүсийг бодвол амьдралынхаа туршид салах магадлал нь 5 дахин их байна” гэж тогтоосон сонирхолтой үр дүнг гаргасан байна. Мөн түүнчлэн 59-91 насны нийт 55 хүнээс хүн тус бүрийн 5-22 насандаа авахуулсан зургуудыг нь нийлүүлэн анализ хийсний үр дүнд салалтын тоо инээмсэглэл багатай хүмүүст их байгааг баталжээ.

Таны хэр удаан наслахыг төгсөлтийн зургаас тань харж чадах уу.

Дээрх асуултанд 2010 онд Ernest Abel болон Michael Kruger нарын хийсэн судалгааны үр дүн баттай хариулт өгсөн байна. (Хүснэгт 1)

Untitled 32

Энэхүү судалгаа нь анх 1952 онд нийт 230 бэйсболын тамирчдын зургийг авснаар эхэлсэн байна. Эрдэмтэд тэдний зургийг огт инээгээгүй, бага зэрэг инээсэн, инээсэн хэмээн 3 хэсэгт хуваасан байна. Ингээд тэднийг амьдралынх нь туршид когорт судалгааны аргаар даган судалснаар огт инээгээгүй хүмүүсийн нас баралт зурган дээрээ инээсэн тамирчдаас 2 дахин их байгааг тогтоосон байна. Мөн түүнчлэн инээсэн хүмүүсийн дундаж наслалт огт инээгээгүй хүмүүсээс 7 жилээр урт байсан байна.

Судлаачдын үзэж байгаагаар их инээдэг хүмүүс бусдаас аз жаргалын түвшин дээгүүр, илүү сэтгэл санааны хувьд тайван, нийгэмтэйгээ таатай орчин бүрдүүлж чаддаг байна. Мөн түүнчлэн инээх нь бусдыг мөн адил инээлгэх, баярлуулах чадвартай тул өөрийн эргэн тойрныхоо хүмүүсийг ч аз жаргалтай болгож чадах увидастай байдаг байна. Ингэснээр инээх таны ирээдүйн гэрлэлтийн амьдрал, түүнчлэн хэр удаан наслахад тань хүртэл томоохон нөлөө үзүүлдэг гэж хэлж болох байна.

Харин тэгвэл “худлаа инээсэн ч аз жаргалтай байх уу”

Үүний хариуд “Худлаа ч байсан хамаагүй инээмсэглээд, инээгээд байгаарай” гэж хэлэх байна. Учир нь 1989 онд сэтгэл судлаач Robert Zajonc-ийн баталснаар хүмүүс баярласандаа инээдэг бус инээснээр хүн баяр хөөртэй болдог гэсэн байна. Мөн биднийг инээхэд (инээмсэглэх үед мөн адил) NK эс (natural killer cell) ялгаран гардаг ба энэ нь хорт хавдраас урьдчилан хамгаалах шидэт хүчтэй эс юм байна. 

Инээнэ гэдэг танаас ганц ч зоос унахгүй мөртлөө өвдөлтийг намдааж, дархлааг сайжруулан, анхаарал төвлөрүүлэх чадвараас гадна ой тогтоолтыг сайжруулах зэрэг таны эрүүл мэндэд олон ашиг тусыг үзүүлдэг тул зүгээр л инээ, инээж явахад амьдрал сак гэдгийг үргэлж санаж яваарай.

Smile Why? Because you can

Эцэст нь хэлэхэд мэдээж төгсөлтийнхөө зурган дээр сайн охин, сайн хөвгүүнийхээ хажууд суугаад аль эсвэл хатуу багшдаа загнуулсан гэх мэт олон шалтгаанаар инээж зургаа авахуулж чадаагүй хүмүүс мөн байдаг л даа. Тиймээс зурган дээрээ инээмсэглээгүй хүн болгон заавал хэн нэгнээс салж, богино насална гэдэг утга биш тул та бүхэн зөвөөр тунгаан ойлгоорой.

Обирин их сургуулийн 4-р курс, Сэтгэл судлалын мэргэжил, Х.Сайнсанаа
2016.2.6

Ашигласан материал:

  1. Abel, E. L., & Kruger, M. L. (2010).  Smile intensity in photographs predicts longevity.  Psychological Science, 21, 542-544.
  2. Diener, E., & Chan, M. Y. (2011).  Happy people live longer: Subjective well-being contributes to health and longevity. Applied Psychology: Health and Well-Being, 3, 1-43.
  3. Hertenstein, M., & Hansel, C., & Butts, A., & Hile, S. (2009). Smile intensity in photographs predicts divorce later in life.
  4. Harker, L., & Keltner, D. (2001). Expressions of positive emotion in women’s college yearbook pictures and their relationship to personality and life outcomes across adulthood. Journal of Personality and Social Psychology, 80(1), 112-124

Хуваалцах
About Uguumur Itgel 98 Articles

IHI корпорацид инженер, Механик инженер мэргэжилтэй, Уг веб хуудасны техник хариуцсан дэд ахлагч, эгэл даруу нэгэн :)

Be the first to comment

Leave a Reply

Your email address will not be published.


*