Сүүлчийн харамсал

candle-smoke-b-w-1-of-1

Та бид хэзээ энэ хорвоог орхихоо мэдэхгүй л тоосыг нь хѳдѳлгѳж яваа нэгэн билээ. Маргааш юу тохиохыг хэн ч хэлж мэдэхгүй. Гэхдээ бидний зарим нь тѳгсгѳл ойртсон гэдгийг мэддэг. Хүмүүсийн сүүлчийн ѳдѳрт нь эмнэлэгт сахих үүрэг даалгаврыг хүлээж авдаг нэгэн сувилагч тэдгээр хүмүүс дундаас хамгийн их сонсож байсан “Үхэхийн ѳмнѳх 5 харамсал”-г дэлгэжээ. 7 хоногийг энэхүү нийтлэлээр эхлүүлж буйд хүлцэл ѳчье. Гэхдээ та бүхэн уншаад нэгийг бодож хоёрыг тунгаана биз ээ.

1.   Би бусдын надаас хүлээх амьдралаар бус, ѳѳрѳѳ ѳѳртѳѳ үнэнчээр амьдрах зоригтой байсан ч болоосой.

Энэ бол хамгийн их хүмүүсээс сонссон харамсал юм. Хүмүүс ѳѳрсдийнх нь амьдралд тун бага хугацаа үлдсэн гэдгийг мэдээд ѳѳрсдийнхѳѳ одоог хүртэл ѳнгѳрүүлсэн амьдралаа эргэн нэг хардаг. Тэгэх үедээ хичнээн их мѳрѳѳдѳл биелэгдээгүй үлдсэнийг анзаардаг ба хамгийн гашуун нь ѳѳрсдийнхѳѳ гаргасан шийдвэрийн үр дүнгээс болж мѳрѳѳдлүүдийнхээ талыг ч гүйцээж чадсангүй гэх хүмүүс олон байжээ.

2.   Би тэгтлээ шаргуу ажилладаггүй л байж

Амьдралынхаа сүүлчийн ѳдрүүдийг ѳнгѳрүүлж буй ихэнх эрэгтэй ѳвчтѳнгүүд ийнхүү харамссан гэдэг. Тэд үр хүүхдийгээ жаахнаас нь ѳсч торниход нь хангалттай хажууд нь байж чадаагүйдээ, мѳн эргэн тойрныхоо дотны хүмүүсийнхээ халуун дотно харьцааг хангалттай мэдэрч бас мэдрүүлж чадаагүйдээ харамсдаг байна.

3.  Би ѳѳрийнхѳѳ мэдрэмжийг илэрхийлэх зоригтой ч байсан болоосой

Маш олон хүмүүс бусадтай эвтэй байхын тулд ѳѳрсдийнхѳѳ мэдрэмжийг нуудаг. Үүнийхээ үр дүнд  “дунд зэргийн нэгэн” болж ѳѳрийнхѳѳ хүрч чадах байсан оргилдоо хүрдэггүй. Maш их ѳвчин нь дотроо удаан хадгалсан гомдол болон уй гашуугаас үүдэн хүндэрсэн байдаг.

4.  Би найзуудтайгаа холбоотой байсан ч болоосой

Ихэнх хүмүүс үхэхийнхээ ѳмнѳх ѳдрийг хүртэл найзын үнэ цэнийг бүрэн ухаардаггүй ба ухаарах үед нь ихэвчлэн оройтсон байдаг байна. Маш их хүмүүс амьдралдаа баригдан маш нандин найз нѳхѳрлѳлийг цаг хугацаанд урсгадаг. Маш олон ѳвчтѳнгүүд найз нѳхѳртѳѳ цаг болон анхаарлаа зарцуулаагүйдээ гүнээ харамссан байдаг. Бүх хүмүүс үхэл хаалга тогшиход найзыгаа байгаасай хэмээн хүсдэг байна.

5.  Би ѳѳрийгѳѳ илүү аз жаргалтай байлгасан ч болоосой

Маш олон хүмүүс тѳгсгѳл ирэх хүртэл аз жаргал гэдэг бол хүрэх газар бус сонголт гэдгийг ойлгодоггүй. Тэд хуучин зам болон зуршилдаа наалдаж орхидог. Үүнийг заримдаа “тухтай хэсэг”/comfort zone/ ч хэмээн нэрлэдэг ба, эдгээр зүйлс нь бидний бие болон сэтгэл үрүү уусан ордог. Ѳѳрчлѳлтѳѳс айхдаа хүмүүс ѳѳрсдийгѳѳ бусдад болон ѳѳртѳѳ одоогийн байдалдаа сэтгэл хангалуун байгаа хэмээн итгүүлдэг. Гэвч тэдгээр хүмүүсийн сэтгэлийн гүнд илүү чангаар инээн, заримдаа тэнэг гэмээр эрх чѳлѳѳтэй дураараа байх эрмэлзэл байсныг энэхүү гэмшил илтгэнэ.

“Одоогоос хорин жилийн дараа та хийсэн зүйлээсээ илүү хийгээгүй зүйлдээ харамсах болно. Тиймээс зангуургаа тат! Аюулгүй тэр боомтоос хѳдѳл! Хуурай салхийг дарвуулаараа шүүрдэн ав! Эр! Мѳрѳѳд! Нээ!” Марк Твайн

/Twenty years from now you will be more disappointed by the things you didn’t do than by the ones you did do. So throw off the bowlines. Sail away from the safe harbor. Catch the trade winds in your sails. Explore. Dream. Discover./Mark Twain//

Та ѳнѳѳдѳр аз жаргалтай байна уу?

www.hqpixs.blogspot.com

Орчуулж нийтэлсэн: М. Эрдэнэ-Очир
Шиншү их сургууль
Эдийн засгийн факультет 4-р курс

2016.05.22

Эх сурвалж:

The Top Five Regrets of the Dying

http://www.theguardian.com/lifeandstyle/2012/feb/01/top-five-regrets-of-the-dying

Хуваалцах
Мооёо
About Мооёо 21 Articles
Эдийн засгаар сурч буй том мѳрѳѳдѳлтэй энгийн нэгэн оюутан.

Be the first to comment

Leave a Reply

Your email address will not be published.


*