89-дөх Академийн шагнал гардуулах ёслол тун удахгүй. Хэн хэн Оскарыг хүртэх бол таамаг.

2017 оны 2 сарын 27-ний өглөө буюу ердөө нэг долоо хоногийн дараа кино урлагийн хамгийн том шагнал гардуулах ёслол болох Академийн шагнал буюу бидний мэдэхээр Оскарын 89-дөх наадам Холливүүдийн Долби театрын тайзан дээр эхлэх билээ. Энэхүү баяр наадмын хөтлөгч хостоор Jimmy Kimmel ажиллахаар болсон бөгөөд мөн Justin Timberlake, Sting, John Legend гэх уран бүтээлчид өөрсдийн дуугаа дуулж сонирхуулахаа мэдэгдсэн байна. Кино сонирхогч болон кино шүүжлэгчид гээд олон сая хүн энэ оройг тэсэн ядан хүлээж буй нь гарцаагүй билээ.

Өнгөрсөн жил Leonardo DiCaprio анхныхаа Оскарыг гардан авсанд дэлхий нийтээрээ шуугиж байсан билээ. Харин энэ жил бас нэгэн тэсрэлт болсон нь “Алтан бөмбөрцөг” кино наадамд рекорд эвдэж долоон төрөлд тэргүүлж чадсан “La La Land” Оскарын наадамд ч мөн тэсрэлт гарган алдарт “Titanic”, “All About Eve” зэрэг шилдэг уран бүтээлүүдтэй эн зэрэгцэн хамгийн олон төрөлд буюу арван дөрвөн төрөлд нэр дэвшсэн билээ. Гэвч саяхан болж өнгөрсөн “BAFTA” (Британий кино урлаг болон телевизийн наадам)-д кино урлагийн төрөлд “La La Land” арван нэгэн төрөлд нэр дэвшээд ердөө таван шагнал хүртэж хамт өрсөлдсөн бусад бүтээлүүдтэй эвтэй найртайгаар шагналуудаа тэнцүү хувааж авлаа гэж кино сонирхогчид, шүүмжлэгчид үзэж байна. Харин Академийн наадамд ямар үр дүн гарах бол Британчууд шиг хайр энэрэлээ тэнцүү хувиарлах болов уу? аль эсвэл аль нэг кино цойлон гарч ирэн шагналуудыг шүүрэх болов уу ?

Ингээд та бүхэндээ Академийн шагналын төрлүүдээс онцлох төрөл болон түүнд өрсөлдөж буй уран бүтээлүүдийн товч танилцуулгыг хүргье.

/Ла Ла Ланд /
La La Land киноны хэсэг

Шилдэг кино бүтээл

Энэхүү төрөлд “La La Land” кино нь одоогоор Оскарын тэргүүн эгнээнд манлайлан яваа бүтээл билээ. Алдарт MGM компаний алтан үеийн мюзикл бүтээлүүдийг эргэн дурсахуйц маш сайн цоо шинэ мюзикл кино юм. Гол дүрүүдэд тоглосон Emma Stone болон Ryan Gosling нар Лос Анджелос хотын үдшийг тогшуур бүжгийн хэмнэлээр чимэн өөрсдийн хайрын түүхийг өгүүлнэ.

Мөн өрсөлдөж буй бас нэгэн гайхалтай бүтээл болох “Hacksaw Ridge” нь Дэлхийн II дайны үед болсон бодит явдлаас сэдэвлэсэн бөгөөд 1945 оны Окинавагийн тулаанд олон зуун цэрэг эрсийн амийг аварч явсан Америкийн эмч цэрэг “Desmond Doss”-ийн эр зоригт түүхийн талаар өгүүлэх болно.

Бас нэгэн нэр дэвшсэн кино болох “Hidden Figures” нь бодит явдлаас сэдэвлэсэн бөгөөд гурван өнгөт арьст эмэгтэйн хэрхэн асуудлыг даван туулж НАСА-гийн сансрын нислэгт өөрсдийн хувь нэмрээ оруулж байгаа талаар гардаг сонирхолтой уран бүтээл юм. Энэ бүтээл нь магадгүй “Оскар хэтэрхий цагаан” гэх нэршлийг эвдэж чадах байх гэж шүүмжлэгч нар үзэж байна. Өмнөх жилүүдэд Академийн шагнал арьс өнгөөр ялгаварлах үзлээс болж зөв уран бүтээлчдэд хүрдэггүй хэмээн ихээхэн шүүмжлүүлсэн билээ.

Нэр дэвшигчид :

  • Arrival
  • Fences
  • Hacksaw Ridge
  • Hell or High Water
  • Hidden Figures
  • La La Land
  • Lion
  • Manchester by the Sea
  • Moonlight

 

“Moonlight” киноны хэсэг

Шилдэг найруулагч

“La La Land” киногоороо Damien Chazelle болон “Manchester by the Sea” киногоороо Kenneth Lonergan нар тэргүүн эгнээнд өрсөлдөж байна.

Гэхдээ өрсөлдөж буй бас нэгэн шилдэг кино бол Barry Jenkins-н найруулсан “Moonlight” хэмээх бүтээл юм. Миами хотод амьдрах нэгэн өнгөт арьстай ижил хүйстэн залуухан хүүгийн ямар хүнд хэцүү амьдралыг туулж өсөж торниж байгааг харуулсан бүтээл юм. Энэ бүтээл нь мөн арьс өнгөний үзлийг сөхөн хар арьстай хүмүүсийн амьдралын үнэн төрхийг өгүүлж, мөн ижил хүйстэнг ойлгохгүй байгаа хүмүүсд бид бүгдээрээ нэг дэлхийд хамт аж төрөн амьдарч буйг сануулан нийгэмд хүргэж байгаа шийдэл нь үзэгчдийн сэтгэлд нийцсэн билээ.

Нэр дэвшигчид:

  • Denis Villeneuve (Arrival)
  • Mel Gibson (Hacksaw Ridge)
  • Damen Chazelle (La La Land)
  • Kenneth Lonergan (Manchester by the Sea)
  • Barry Jerkins (Moonlight)

 

Шилдэг эмэгтэй гол дүр

Энэ жил Emma Stone-ий жил болж байна гэхэд буруудахгүй. Учир нь шилдэг эмэгтэй гол дүр төрлөөр нэр дэвшсэн бараг бүх наадамдаа түрүүлсэн байгаа билээ. Яагаад гэвэл кино эхлэхээс төгсөх хүртэл түүн шиг дуулж, бүжиглэн төгс гүйцэтгэл хийн шүүмжлэгчдийн анхаарлыг татсан өөр жүжигчин хараахан байсангүй.

Түүний араас Natalie Portman нэхэж байгаа бөгөөд тэрээр “Jackie” хэмээх намтарчилсан кинонд Америкийн анхны тэргүүн хатагтай болох Jackie Kennedy-гийн дүрийг бүтээжээ.

Нэр дэвшигчид:

  • Isabelle Huppert (Elle)
  • Ruth Negga (Loving)
  • Natalie Portman (Jackie)
  • Emma Stone (La La Land)
  • Meryl Streep (Florence Foster Jenkins)

 

Fences

Шилдэг эрэгтэй гол дүр

Харин энэ төрөл арай илүү өрсөлдөөнтэй байгаа бөгөөд учир нь Denzel Washington (Fences) болон Casey Affleck (Manchester by the Sea) нарын аль нэг нь түрүүлэх магадлал их байна. Denzel Washington-ийг түрүүлнэ хэмээн хэд хэдэн шүүмжлэгч үзэж байгаа бөгөөд хэрвээ түрүүлвэл энэ нь түүний гуравдах Оскар болох бөгөөд тэрээр өмнө нь зургаан удаа Оскард нэр дэвшиж байсан гайхалтай жүжигчин билээ.

Нэр дэвшигчид :

  • Casey Affleck (Manchester by the Sea)
  • Andrew Garfield (Hacksaw Ridge)
  • Ryan Gosling (La La Land)
  • Viggo Mortensen (Captain Fantastic)
  • Denzel Washington (Fences)
Fences

Шилдэг эмэгтэй туслах дүр

Viola Davis 2008 онд шилдэг туслах эмэгтэй дүрээр “Doubt” киногоор, 2011 онд шилдэг эмэгтэй гол дүр төрөлд “The Help” киногоор нэр дэвшиж байсан боловч Penelope Cruz (Vicky Cristina Barcelona), Meryl Streep (The Iron Lady)-д тус тус ялагдаж байсан юм. Гэсэн хэдий ч энэ жил тэрээр дахин эргэн эрэлт хийж “Fences” кинонд Denzel Washington-ны эхнэр болох Rose –н дүрд тогложээ. Магадгүй Viola Davis энэ дүрээрээ өөрийнхөө нэрийг Академид мөнхөлж чадах байх хэмээн кино шүүмжлэгчдийн нэг Kristopher Tapley Variety дээр бичжээ.

Naomie Harris Moonlight кинонд сэтгэл хөдлөл ихтэй догшин ээжийн дүрийг маш чадварлаг бүтээж ихээхэн сайшаал хүртээд байгаа юм.

Нэр дэвшигчид

  • Viola Davis (Fences)
  • Naomie Harris (Moonlight)
  • Nicole Kidman (Lion)
  • Octavia Spencer (Hidden Figures)
  • Michelle Williams (Manchester by the Sea)

 

Moonlight

Шилдэг туслах эрэгтэй дүр

Өмнө нь зургаан удаа нэр дэвшиж “Crazy Heart” киногоор 2009 онд Академийн шагнал авж байсан Jeff Bridges энэ жил бас нэгэн гайхалтай киногоор нэр дэвшиж байна. “Hell or High Water” кинонд банк дээрэмдсэн хоёр залууг мөшгөж буй Техасын ренжер мөрдөгчийн дүрд тогложээ.

Үүнээс гадна бас нэгэн хүчтэй өрсөлдөгч бол Mahershala Ali (Moonlight) кинонд Миамигийн хар тамхиний наймаачин бөгөөд ижил хүйстэй Chiron хүүгийн түшиж тулж байсан цорын ганц залуугийн дүрд маш чадварлаг тоглосон байна. Шүүмжлэгч нар түүний сэтгэлийн хөдлөл болон нулимс туслуулах үзэгдэлд гаргасан жүжиглэлтийг маш өндөр үнэлж сайшааж байгаа билээ.

Нэр дэвшигчид

  • Mahershala Ali (Moonlight)
  • Jeff Bridges (Hell or High Water)
  • Lucas Hedges (Manchester by the Sea)
  • Dev Patel (Lion)
  • Micheal Shannon (Nocturnal Animals)

 

Arrival

Шилдэг зураглаач

Bradford Young “Arrival” хэмээх уран зөгнөлт киногоороо энэ төрөлд нэр дэвшиж байгаа бөгөөд тус кинонд Amy Adams дэлхий дээр ирсэн харийнхны хэлийг тайлж уншиж буй эмэгтэйн дүрд тогложээ. Young-ийн өөрийн төсөөлөн бодох чадвар авъяас нь энэхүү уран зөгнөлт кинонд ихээхэн хувь нэмэр оруулсан гэдгийг тус киноны жүжигчид найруулагчид тодотгосон байна.

Нэр дэвшигчид

  • Arrival
  • La La Land
  • Lion
  • Moonlight
  • Silence
Zootopia мөн Moana

Шилдэг Анимешин кино

Дисней компаны “Zootopia” болон “Moana” гэх хоёр ч кино энэ төрөлд хүч үзэж байгаа юм. “Zootopia” кино нь цагдаагийн албанд ороод удаагүй жижигхэн туулай болон мэхлэлтийн мастер зальт үнэг хоёрын хөгжилтэй нөхөрлөлийн талаар гардаг бол Moana кинонд нэгэн залуухан гүнж ард иргэдээ аврахын тулд домгийн арлыг хайж буй адал явдлын талаар өгүүлдэг байна.

Гэвч өөр нэгэн хүчтэй өрсөлдөгч байгаа нь “Kubo and the Two Strings” юм. Саяхан болж өнгөрсөн “BAFTA” наадмаас шилдэг анимешин төрлөөр шагнал авсан билээ. “BAFTA” –д түрүүлсэн явдал нь Оскард түрүүлэнэ гэсэн үг биш ч сүүлийн арван жилийн есд нь Англичуудийн сонгосон кино Холливүүдэд ч мөн түрүүлж байжээ.

Нэр дэвшигчид

  • Kubo and the Two Strings
  • Moana
  • My Life as a Zucchini
  • The Red Turtle
  • Zootopia

 

The Salesman

Шилдэг гадаад хэл дээрх кино

 

  • A Man Called Ove (Sweden)
  • Land of Mine (Denmark)
  • The Salesman (Iran)
  • Tanna (Australia)
  • Toni Erdmann (Germany)

 

Шилдэг хувцаслал дизайн

Нэр дэвшигчид

  • Allied
  • Fantastic Beasts and Where to Find Them
  • Florence Foster Jenkins
  • Jackie
  • La La Land

 

13th баримтат кино

Шилдэг баримтат кино

Нэр дэвшигчид

  • Fire at Sea
  • I Am Not Your Negro
  • Life, Animated
  • OJ: Made in America
  • 13th

 

 

Star Trek Beyond

Шилдэг нүүр хувиргалт

 

Нэр дэвшигчид

  • Eva von Bahr and Love Larson (A Man Called Ove)
  • Joel Harlow and Richard Alonzo (Star Trek Beyond)
  • Alessandro Bertolazzi, Giorgio Gregorini and Christopher Nelson (Suicide Squad)

 

Шилдэг тусгай эффект 

Нэр дэвшигчид

  • Deepwater Horizon
  • Doctor Strange
  • The Jungle Book
  • Kubo and the Two Strings
  • Rogue One: A Star Wars Story

 

 

 

Бүх нэр дэвшигчид болон төрлүүдийг албан ёсны сайтаас харахыг хүсвэл Энд дарна уу.

 

 

Кино урлаг, дэлгэцийн уран бүтээлээр дамжуулан үзэгчдэд мэдлэг боловсрол, уран сайхны таашаал болон амьдралын үнэ цэнэ гэх мэт маш өргөн сэдвээр мэдээлэлийг түгээж хүртээж болдог нь гайхамшигтай юм.

Эцэст нь кино сонирхогчид бидэнд өөрсдийн таамгийг үнэн зөв эсэхийг хүлээх л үлдэж байна. Та бүхний сум мэргэн байг.

 

 

Эх сурвалж:

  • http://oscar.go.com/
  • http://variety.com/
  • https://www.theguardian.com/uk/film

 

Г. Лхагвасүрэн

2017.02.19

Хуваалцах

Be the first to comment

Leave a Reply

Your email address will not be published.


*